ກອງບັນຊາການ ປກສ ນະຄອນໄກສອນພົມວິຫານ ແຂວງສະຫວັນນະເຂດ ສົມທົບກັບ ອໍາ ນາດການປົກຄອງບ້ານ ບ້ານໂພນສະຫວັນ, ບ້ານໄຊຍະມຸງຄຸນ ແລະ ບ້ານສອນໄຊ ໄດ້ສຶກສາອົບຮົມເປົ້າໝາຍມົ້ວສຸມ ແລະ ເສບຢາເສບຕິດ ຈໍານວນ 11 ຄົນ ໃນທ້າຍອາທິດຜ່ານມາ, ເຂົ້າຮ່ວມມີ ພັຕ ລັດສະໝີ ແກ້ວອ່ອນຫຼ້າ ຫົວໜ້າພະແນກຕຳຫຼວດ ກອງບັນຊາການ ປກສ ນະຄອນໄກສອນພົມວິຫານ, ມີຫົວໜ້າ-ຮອງພະແນກ, ຫົວໜ້າ-ຮອງໜ່ວຍງານ, ພາກສ່ວນທີ່ກ່ຽວຂ້ອງ, ພໍ່-ແມ່ຜູ້ປົກຄອງ, ຜູ້ຖືກສຶກສາອົບຮົມ ເຂົ້າຮ່ວມ.
ພັຕ ລັດສະໝີ ແກ້ວອ່ອນຫຼ້າ ກ່າວວ່າ: ການສຶກສາອົບຮົມຄັ້ງນີ້ ເພື່ອເຮັດໃຫ້ກຸ່ມເປົ້າໝາຍດັ່ງກ່າວຮັບຮູ້, ເຂົ້າໃຈເຖິງໄພອັນຕະລາຍ ແລະຜົນຮ້າຍຂອງຢາເສບຕິດ, ທັງເປັນການຍົກສູງຄວາມຮູ້, ເຂົ້າໃຈເປັນເອກະພາບຄວາມຮັບຜິດຊອບຕໍ່ຜູ້ປົກຄອງ ເພື່ອເຮັດໃຫ້ຫ່າງໄກ, ບໍ່ຕົກເປັນທາດຂອງຢາເສບຕິດ ແລະ ກັບກາຍມາເປັນພົນລະເມືອງດີຂອງສັງຄົມ.
ທິບພະຈັນ ຮຽບຮຽງ