ຕາມການໃຫ້ສຳພາດຂອງ ທ່ານ ດຳລົງສັກ ຍອດຈະເລີນ ຫຼື ໜຸ່ມເທ່ ຈຳປາສັກ ເຈົ້າຂອງຜົນ ງານເພງ ຄ່ຳຄືນນີ້ ວ່າ: ສ່ວນຕົວແລ້ວ ຕົນເອງເປັນຄົນມັກຮ້ອງເພງມາຕັ້ງແຕ່ຍາມຍັງນ້ອຍ, ຍ້ອນເຫັນພໍ່ຫຼິ້ນດົນຕີ ຮ້ອງເພງມາກ່ອນ, ຈຶ່ງຢາກເປັນນັກຮ້ອງຄືພໍ່, ກໍ່ເລີຍຝຶກຫຼິ້ນ ແລະ ຊ້ອມຮ້ອງເພງຕັ້ງແຕ່ຍັງນ້ອຍມາ ໂດຍການຝຶກຊ້ອມຜ່ານຄີບອດນໍາພໍ່ ກ່ອນທີ່ຈະຂຶ້ນເວທີປະກວດທຸກໆຄັ້ງ, ຈົນໄດ້ເປັນນັກຮ້ອງປະຈຳຂອງໂຮງຮຽນສະໄໝຮຽນຢູ່ຊັ້ນປະຖົມ ແລະ ຜ່ານມາ ກໍເຄີຍປະກອບອາຊີບເປັນພະນັກງານປະຈຳ ຢູ່ບໍລິສັດແຫ່ງໜຶ່ງ ຈາກນັ້ນ ກໍອອກມາສານຄວາມຝັນຂອງຕົນເອງ, ປັດຈຸບັນ ເປັນນັກຮ້ອງດ່ຽວອິດສະຫຼະ ແລະ ປະກອບອາຊີບເຮັດທຸລະກິດສ່ວນຕົວ, ຜົນງານທີ່ຮູ້ຈັກ, ໂດ່ງດັງແມ່ນເພງ “ຄໍ່າຄືນນີ້”, ຖືວ່າເປັນຜົນງານເພງທໍາອິດ ແລະ ຜົນງານທີ່ມີຍອດເຂົ້າຊົມສູງໃນຕອນນີ້, ແມ່ນວ່າ ຈະເປັນໄລຍະການລະບາດຂອງພະຍາດໂຄວິດ-19 ກໍ່ບໍ່ໄດ້ເປັນອຸປະສັກຕໍ່ການສ້າງຜົນງານເພງໃໝ່ໆໃຫ້ກັບແຟນໆໄດ້ຕິດ ຕາມກັນ.
ໜຸ່ມເທ່ ຍັງບອກອີກວາ: ໃນອະນາຄົດ ໄດ້ວາງແຜນຈະປ່ອຍຜົນງານເພງໃໝ່ຢ່າງຕໍ່ເນື່ອງ ໃຫ້ໄດ້ຕິດຕາມກັນຕໍ່ໄປ ແລະ ຫຼ້າສຸດ ໄດ້ປ່ອຍຜົນງານເພງໃໝ່ອອກໄປວ່າງ 3-4 ວັນທີ່ຜ່ານມາ ຄືເພງ “ຄືນຈັນເຫງົາ”, ເຊິ່ງແຟນໆສາມາດຕິດຕາມ ແລະ ໃຫ້ກຳລັງໃຈ ໜຸ່ມເທ່ ໄດ້.