ໃນວັນທີ 20 ພຶດສະພາ 2022, ແກ້ໄຂເປົ້າໝາຍມົ້ວສຸມຢາເສບຕິດ ກັກຕົວໄດ້ 3 ຄົນ ຢູ່ເຂດບ້ານໜອງບົວທອງເໜືອ ເມືອງສີໂຄດຕະບອງ ຊື່: ທ້າວ ແສງສຸວັນ ຫຼື ເຕ້ ອາຍຸ 28 ປີ, ທ້າວ ຈັນທະລາ ອາຍຸ 45 ປີ, ທ້າວ ວົງພອນ ຫຼື ຕູ່ນ ອາຍຸ 41 ປີ ທັງ 3 ຄົນ ກຳມະກອນ ຢູ່ບ້ານໜອງບົວທອງເໜືອ ເມືອງສີໂຄດຕະບອງ ນວ, ພ້ອມຂອງກາງຢາບ້າ 25 ເມັດ ນອກຈາກນີ້ ວັນທີ 21 ພຶດສະພາ 2022 ໄດ້ສືບຕໍ່ແກ້ໄຂອີກ 1 ເປົ້າໝາຍ ຊື່ ທ້າວ ວິໄລທອງ ຫຼື ນ້ອງ ອາຍຸ 33 ປີ ຫວ່າງງານ ຢູ່ບ້ານດົງນາໂຊໃຕ້ ເມືອງສີໂຄດຕະບອງ ຂອງກາງຢາບ້າ 7 ເມັດ.
ພັທ ສຸລິຍາ ສັງບຸດສະດີ ຫົວໜ້າ ປກສ ກຸ່ມໜອງດ້ວງ ໃຫ້ຮູ້ວ່າ: ໃນວັນທີ 20-21 ພຶດສະພາ 2022 ເຈົ້າໜ້າທີ່ ປກສ ກຸ່ມໄດ້ອອກກວດກາລາດຕະເວນຕາມພຶ້ນທີ່ຫຼໍ່ແຫຼມ ພໍຮອດເຂດບ້ານ ໜອງບົວທອງ ພົບເຫັນເປົ້າໝາຍ ທີ່ກໍາລັງມົ້ວສຸມຢາເສບຕິດ 3 ຄົນ ແລະ ພົບເຫັນເປົ້າໝາຍອີກ 1 ຄົນ ຢູ່ເຂດບ້ານດົງນາໂຊກໃຕ້ ຈຶ່ງໄດ້ເຂົ້າກັກຕົວ. ປັດຈຸບັນ ປກສ ກຸມ ໄດ້ສົ່ງພວກກ່ຽວ ໃຫ້ກອງບັນຊາການ ປກສ ເມືອງສີໂຄດຕະບອງ ສືບຕໍ່ດໍາເນີນຄະດີຕາມກົດໝາຍ.
ທິບພະຈັນ:ຮຽບຮຽງ