ເພື່ອເຮັດໃຫ້ການສະເຫຼີມສະຫຼອງວັນກໍາມະກອນສາກົນ ຄົບຮອບ 136 ປີ ມີເນື້ອໃນເລິກເຊິ່ງ, ບັນລຸຕາມຄາດໝາຍ ແລະ ຈຸດປະສົງວາງໄວ້ ສູນກາງສະຫະພັນກໍາມະບານລາວ ສະເໜີສະກໍາມະບານໃນຂອບເຂດທົ່ວປະເທດ ສ້າງຂະບວນການຫວນຄືນມູນເຊື້ອປະຫວັດຄວາມເປັນມາຂອງວັນກໍາມະກອນສາກົນ ຄົບຮອບ 136 ປີ
ທ່ານ ພອນສານ ວິໄລເມັ້ງ ຮອງປະທານຄະນະບໍລິຫານງານສູນກາງສະຫະພັນກໍາມະບານລາວ ໄຫ້ຮູ້ວ່າ: ວັນທີ 1 ພຶດສະພາ ເປັນກໍາມະກອນສາກົນ ໃນທົ່ວໂລກ ເວົ້າລວມ ເວົ້າສະເພາະກໍ່ຄືກໍາມະກອນ ແລະ ຜູ້ອອກແຮງງານລາວ, ເພື່ອລະນຶກເຖິງວັນປະຫວັດສາດດັ່ງກ່າວ ກໍ່ຄືວັນກໍາມະກອນສາກົນ ໃຫ້ມີຄວາມໝາຍສໍາຄັນ ແລະ ເລິກເຊິ່ງຂຶ້ນຕື່ມ ສູນກາງສະຫະພັນກໍາມະບານລາວ ຈຶ່ງໄດ້ຂຶ້ນແຜນກິດຈະກໍາເພື່ອຕ້ອນຮັບວັນກໍາມະກອນສາກົນ ຄົບຮອບ 136 ປີ ດ້ວຍຂະບວນການຕ່າງໆເຊັ່ນ: ສະເໜີ ໃຫ້ຄະນະ ບໍລິຫານ ງານສະຫະພັນ ກໍາມະບານ ທົ່ວປະເທດ ຈັດຕັ້ງ ເຜີຍແຜ່ ປາຖະກະຖາ ຫວນຄືນມູນເຊື້ອວັນກໍາມະກອນ ສາກົນ ຄົບຮອບ 136 ປີ, ສະຖານທີ່ໃດ ທີ່ ມີ ເງື່ອນໄຂ ກໍໃຫ້ຈັດຕັ້ງຂະບວນການແຂ່ງຂັນ ສີ ມືແຮງງານ, ແຂ່ງຂັນກິລາມວນຊົນ, ຈັດກິດຈະກໍາຖາມ-ຕອບ ກ່ຽວກັບມູນເຊື້ອ ວັນກໍາມະກອນ ສາກົນ ແລະ ມູນເຊື້ອຂອງຊົນຊັ້ນກໍາມະກອນລາວ, ກິດຈະກຳສະແດງ ສິນລະປະ, ກິດຈະກຳບໍລິຈາກເລືອດ ຊ່ວຍເຫຼືອສັງຄົມ, ສ້າງລະຄອນກ້ອມ ທີ່ມີເນື້ອໃນສ່ອງແສງໃຫ້ເຫັນມູນເຊື້ອຜົນງານການເຄື່ອນໄຫວທີ່ພົ້ນເດັ່ນຂອງຊົນຊັ້ນກຳມະກອນສາກົນ ແລະ ຊົນຊັ້ນກຳມະກອນລາວພ້ອມທັງແນໃສ່ ການປົກປ້ອງສິດ ແລະ ຜົນປະໂຫຍດອັນຊອບທໍາໃຫ້ແກ່ສະມາຊິກກໍາມະບານ, ກໍາມະກອນ, ຜູ້ອອກແຮງງານຕາມຄວາມສາມາດ ຕົວຈິງຂອງແຕ່ລ ພາກສ່ວນແຕ່ຕ້ອງປະຕິບັດບັນດາມາດຕະການປ້ອງກັນພະຍາດ ໂຄວິດ-19.
ສະນັ້ນ, ເພື່ອເປັນການສະເຫຼີມສະຫຼອງຂອງວັນກໍາມະກອນສາກົນ ຄົບຮອບ 136 ປີ ໃຫ້ມີຂະບວນການທີ່ຟົດຟື້ນ, ກວ້າງຂວາງ ຄະນະບໍລິຫານງານສູນກາງສະຫະພັນກໍາມະບານລາວ ກໍ່ຄືສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໃນຂອບເຂດທົ່ວປະເທດ ຈົ່ງພ້ອມພາກັນເອົາໃຈໃສ່ ຮັກສາມູນເຊື້ອອັນດີງາມຂອງຊາດລາວ ກໍ່ຄື ມູນເຊື້ອປະຕິວັດຂອງຊົນຊັ້ນກໍາມະກອນ ທີ່ພັກປະຊາຊົນປະຕິວັດເປັນແກນນໍາ ຂອງການສ້າງສາພັດທະນາປະເທດຊາດ ໃຫ້ມີຄວາມຈະເລີນ, ຮຸ່ງເຮືອງ ແລະ ສີວິໄລ.
ຂ່າວ: ທິບພະຈັນ
ພາບ:ວິໄລສັກ