ເວລາປະມານ18:00 ໂມງ ຂອງວັນທີ 22 ເມສາ 2022 ສນ 1191 ສົມທົບກອງວິຊາສະເພາະ ປກສ ເມືອງປາກງື່ມ ນະຄອນຫລວງວຽງຈັນ ໄດ້ອອກເຄື່ອນໄຫວວຽກງານສາມາດຈັບເປົ້າຫມາຍຄ້າຂາຍຢາເສບຕິດ 1 ຄົນ ພ້ອມປືນສັ້ນ 1 ກະບອກ.
ເຈົ້າຫນ້າທີ່ ປກສ ເມືອງປາກງື່ມ ໃຫ້ຂໍ້ມູນວ່າ : ໃນເວລາປະຕິບັດຫນ້າທີ່ຢູ່ນັ້ນພົບເຫັນລົດເປົ້າໜາຍສົງໄສປະເພດລົດຕູ້ສະຕາເເລັກສີປອນຜ່ານຂົວສີທອງບ້ານໄຮ່ ມຸ້ງໜ້າເຂົ້າ ນະຄອນນຫລວງວຽງຈັນ; ດັ່ງນັ້ນ ກໍາລັງ ປກສ ໄດ້ສົ່ງສັນຍານໃຫ້ຢຸດຈອດແຕ່ຄົນຂັບລົດບໍໃດ້ໃຫ້ຄວມຮ່ວມມືເລັ່ງລົດໜີຈຶ່ງໄດ້ໄລ່ນໍາໄປທັນຢູ່ເຂດບ້ານດອນໄຮ່ ເມືອງປາກງື່ມ ເຈົ້າຫນ້າທີ່ຈຶ່ງຄວບຄຸມຕົວຜູ້ຂັບລົດ.
ຜ່ານການກວດກາລົດຕູ້ ໜາຍເລກທະບຽນ ກຣ 6996 ກໍາແພງນະຄອນ ຊື່ ທ້າວ ບຸນທະວີ ຫລື ມືດ ອາຍຸ 40 ປີ, ຢູ່ບ້ານຕານມີໄຊ ເມືອງໄຊທານີ ນະຄອນຫລວງວຽງຈັນ ແລະ ພົບເຫັນຢາບ້າຈໍານວນ 4 ຖົງ ມີ 788 ເມັດ, ປືນສັ້ນຍີ່ຫໍ້ໂຊໂລກີ້ 1 ກະບອກ ພ້ອມລູກປືນ 12 ລູກຊຸກເຊື່ອງໄວ້ໃນລົດ ມີເງິນ 9.000.000 ກີບ 2.700 ບາດວັດຖຸສີເຫລືອງຄ້າຍຄືຄໍາເປັນປະເພດສານແຂນຫນຶ່ງ ເສັ້ນ ສາຍຄໍ 1 ເສັ້ນ ບໍ່ຊາບນໍ້າໜັກ.
ຜ່ານການສອບຖາມຜູ້ກ່ຽວສາລະພາບວ່າຢາບ້າ
ແລະ ປືນເປັນຂອງຕົນເອງແທ້ຢາບ້າແມ່ນໄດ້ໂທສັ່ງ
ຊື້ນໍາຜູ້ທີ່ຮ່ວມຂະບວນ ໄວ້ເພື່ອເສບ ປືນຊື້ນໍາໜູ່ລາຄາ
4. 000 ບາດ, ໄວ້ປ້ອງກັນຕົວຜ່ານມາຜູ້ກ່ຽວເຄີຍຕ້ອງ
ໂທດຢາເສບຕິດ ຖືກຈໍາຄຸກ 5 ປີ ຢູ່ເມືອງໄຊທານີ ພົ້ນໂທດປີ 2020.
ທິບພະຈັນ: ຮຽບຮຽງ