ຕໍາຫຼວດຈະລາຈອນກຽມຄວາມພ້ອມຮັບໃຊ້ໄລຍະສະຫຼອງປີໃໝ່ລາວ ພັອ ກົງສີ ສຸວັນນະຕຸ້ມ ຫົວໜ້າ ກົມຕໍາຫຼວດຈະລາຈອນນະຄອນຫຼວງວຽງຈັນ ໄດ້ໃຫ້ຮູ້ວ່າ, ກົມໃຫຍ່ຕໍາຫຼວດມີຄວາມພ້ອມເພື່ອປ້ອງກັນ ແລະ ສະກັດກັ້ນອຸບັດຕິເຫດໃນການສັນຈອນໄລຍະປີໃໝ່ລາວພສ ພສ 2565.
ໂດຍຈະໄດ້ວາງກໍາລັງຕັ້ງຈຸດກວດກາຍານພາຫະນະຕາມເສັ້ນທາງຫຼັກ, ທາງເຂົ້າ-ອອກຂອງເມືອງ ແລະແຂວງໃນທົ່ວປະເທດ.
ນອກນີ້, ຍັງຈະໄດ້ສົມທົບກັບກໍາລັງເຄື່ອນທີ່ ອອກກວດກາຕາມເສັ້ນທາງຕົວເມືອງຕ່າງໆ ເພື່ອຕິດຕາມສະພາບການສະຫຼອງຫຼີ້ນບຸນປີໃໝ່ປີນີ້ໃຫ້ມີຄວາມສະດວກ ແລະ ຮັບປະກັນຄວາມປອດໄພ.
ພັອ ກົງສີສຸວັນນະຕຸ້ມຍັງໄດ້ຮຽກຮ້ອງໃຫ້ພໍ່ແມ່ປະຊາຊົນ, ພະນັກງານ, ທະຫານ, ຕໍາຫຼວດ, ທຸກທ້ອງຖິ່ນໃຫ້ຄວາມຮ່ວມມື ແລະ ເປັນເຈົ້າການຊ່ວຍກັນ ແລະໃຫ້ປະຕິບັດມາດຕະການທີ່ເຈົ້າໜ້າທີ່ວາງອອກຢ່າງເຂັ້ມງວດ.
ຮຽບຮຽງ: ທິບພະຈັນ ວົງຕາ