ເຈົ້າໜ້າທີ່ກອງບັນຊາການ ປກສ ເມືອງຫ້ວຍຊາຍ ແຂວງບໍ່ແກ້ວ ຍຶດຢາບ້າ ຈຳນວນ 48 ເປົ້າ ມີຈຳນວນ 5.960 ມັດ ເທົ່າກັບ 11,920.000 ເມັດ ຄາລົດຫຸ່ນໄດ ສ່ວນຄົນຂັບຫຼົບໜີ
ໃນວັນທີ 17 ມີນາ 2022 ເຈົ້າໜ້າທີ່ກອງບັນຊາການ ປກສ ເມືອງຫ້ວຍຊາຍ ແຂວງບໍ່ແກ້ວ ໄດ້ຮັບແຈ້ງຈາກພົນລະເມືອງດີວ່າ: ພົບເຫັນລົດຮຸນໄດສີຟ້າ (ບໍ່ມີປ້າຍທະບຽນ) ຂັບເຂົ້າໄປຈອດຢູ່ໃນຕະຫຼາດບ້ານນ້ຳເກິ່ງໃໝ່ ເມືອງຕົ້ນເຜິ້ງ ເຊິ່ງລົດຄັນດັ່ງກ່າວແມ່ນບັນທຸກເປົ້າສີຂາວສີ່ຫຼຽມ, ມີຜ້າແສສີດໍາປົກໄວ້ແຕ່ບໍ່ຮູ້ແມ່ນເປົາຫຍັງ. ໃນເວລານັ້ນມີຜູ້ຊາຍສອງຄົນແລ່ນອອກຈາກລົດຄັນດັ່ງກ່າວເຂົ້າໄປໃນບ້ານນ້ຳເກິ່ງໃໝ່, ຈາກນັ້ນ ເຈົ້າໜ້າທີ່ ປກສ ເມືອງຫ້ວຍຊາຍ ໄດ້ໄປກວດກາວ່າມີມູນຄວາມຈິງແທ້. ຈຶ່ງໄດ້ປະສານຫາຫ້ອງຕໍາຫຼວດ. ຫຼັງຈາກນັ້ນ ຫ້ອງຕໍາຫຼວດ ຈຶ່ງໄດ້ແຕ່ງພະແນກວິຊາສະເພາະໄປກວດກາຕົວຈິງໂດຍສົມທົບກັບກຳລັງ ປກສ ພວກເຮົາທີ່ປະຈຳຈຸດກວດການ້ຳເກິ່ງ, ປກສ ເມືອງຫ້ວຍຊາຍ, ປກສ ກຸ່ມບ້ານນ້ຳເກິ່ງ ແລະ ເຈົ້າໜ້າທີ່ທະຫານ 405. ຜ່ານການກວດກາລົດຄັນດັ່ງກ່າວ ແມ່ນພົບເຫັນຢາບ້າ ຈຳນວນ 48 ເປົ້າມີຈຳນວນ 5.960 ມັດ ເທົ່າກັບ 11,920.000 ເມັດ ມີນ້ຳໜັກ1.288 ກິໂລກຼາມ
ຂ່າວ: ທິບພະຈັນ ວົງຕາ