ຍິນດີນຳ ທີມຊາດລາວ U23 ຜ່ານທີມຊາດມາເລເຊຍ ເຂົ້າສູ່ຮອບ 4 ທີມສຸດທ້າຍ ເຕະບານຊາຍ ຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ 2022 ທີ່ປະເທດກຳປູເຈຍ ໃນວັນທີ 14-26 ກຸມພານີ້.
ທີມຊາດລາວ ຊະນະ ມາເລເຊຍ ທັງ 2 ນັດ ໃນກຸ່ມ B ນັດທີ 1 ຊະນະ 2-1 ໃນວັນທີ 18 ກຸມພາ ແລະ ນັດທີ 2 ຊະນະ 2-0 ໃນວັນທີ 21 ກຸມພາ ນັດນີ້ ໄດ້ປະຕູຈາກການຍິງຟຣີຄິກສຸດງາມຂອງ ກັບຕັນທີມ ບຸນພະຈັນ ບຸນກອງ ນາທີ 43′ ແລະ ສຸກສາຄອນ ບົວໄພວັນ ນາທີ 86′ ຮອບ 4 ທີມສຸດທ້າຍ ລໍຖ້າພົບກັບ ຫວຽດນາມ, ໄທ ຫລື ກຳປູເຈຍ ເຈົ້າພາບ
ນັກຂ່າວ: ຫລ້າ.