ໃນວັນທີ່ 10 ພຶດສະພາ 2022 ສະພາທິດສະດີ ສູນກາງພັກ ເປີດກອງປະຊຸມສໍາມະນາ ເປີດ ກ້ວາງ ລະດົມຄວາມຄິດເຫັນປະກອບໃສ່ຮ່າງບົດຄົ້ນຄວ້າສະບັບຫຍໍ້ໃນຫົວຂໍ້ການຄົ້ນຄວ້າທິດສະດີ ແລະ ສະຫຼຸບພຶດຕິກຳ ໃຫ້ແກ່ການສ້າງປະຖົມປັດໃຈ ເພື່ອກ້າວເດີນສູ່ຈຸດໝາຍສັງຄົມນິຍົມ
ສະພາທິດສະດີ ສູນກາງພັກ ເປີດກອງປະຊຸມສຳມະນາ ເປີດກ້ວາງ ລະດົມຄວາມຄິດເຫັນປະກອບໃສ່ຮ່າງບົດຄົ້ນຄວ້າສະບັບຫຍໍ້ໃນຫົວຂໍ້ການຄົ້ນຄວ້າທິດສະດີ ແລະ ສະຫຼຸບພຶດຕິກຳ ໃຫ້ແກ່ການສ້າງປະຖົມປັດໃຈ ເພື່ອກ້າວເດີນສູ່ຈຸດໝາຍສັງຄົມນິຍົມ ໃນວັນທີ່ 10 ພຶດສະພາ 2022 ທີ່ຫ້ອງປະຊຸມ ພະແນກ ແຜນການ ແລະ ການລົງທຶນແຂວງຊຽງຂວາງ ໂດຍການເປັນປະທານ ຂອງທ່ານ ສອນທະນູ ທໍາມະວົງ ກຳມະການສູນກາງພັກ ປະທານສະຖາບັນວິທະຍາສາດ ເສດຖະກິດ ແລະ ສັງຄົມແຫ່ງຊາດ ໃຫ້ກຽດເຂົ້າຮ່ວມ ມີ ທ່ານ ບຸນຈັນ ສີວົງພັນ ເລຂາພັກແຂວງເຈົ້າແຂວງ ຊຽງຂວາງ, ທ່ານ ບໍ່ແສງຄຳ ວົງດາລາ ຫົວໜ້າຄະນະກຳມະການ ວັດທະນະທຳສັງຄົມ ສະພາທິດສະດີ ສູນກາງພັກ, ມີເລຂາພັກແຂວງ ແຂວງໄຊສົມບູນ ຮອງເລຂາພັກແຂວງ ແຂວງຫົວພັນ ມີບັນດາ ສະຫາຍເລຂາພັກເມືອງ, ເຈົ້າເມືອງ,ພະແນກການຕ່າງໆ ອ້ອມຂ້າງແຂວງຊຽງຂວາງ ພ້ອມດ້ວຍ ຫ້ອງການສະພາທິດສະດີ ສູນກາງພັກ ແລະພາກສ່ວນທີ່ກ່ຽວຂ້ອງ ເຂົ້າຮ່ວມ. ໃນກອງປະຊຸມ ທ່ານນາງ ລຳພູນ ດວນສຸວັນ ຮອງສູນຄົ້ນຄວ້າ ແນວຄິດປະທານ ໄກສອນ ພົມວິຫານ ສະຖາບັນການເມືອງ-ການປົກຄອງແຫ່ງຊາດ ໄດ້ລາຍງານໂດຍຫຍໍ້ກ່ຽວກັບເນື້ອໃນບົດຄົ້ນຄວ້າທິດສະດີ ແລະ ສະຫຼຸບພຶດຕິກຳໃຫ້ແກ່ ການສ້າງປະຖົມປັດໃຈ ເພື່ອກ້າວເດີນສູ່ຈຸດໝາຍສັງຄົມນິຍົມຕໍ່ກອງປະຊຸມ ໂດຍຍົກໃຫ້ເຫັນພື້ນຖານທິດສະດີ ແລະ ພຶດຕິກຳ ກ່ຽວກັບການສ້າງບັນດາປັດໃຈເພື່ອກ້າວເດີນສູ່ຈຸດໝາຍສັງຄົມນິຍົມ ຂະບວນວິວັດແຫ່ງການກຳເນີດ ແລະ ສ້າງປັດໃຈເພື່ອກ້າວເດີນສູ່ຈຸດໝາຍສັງຄົມນິຍົມ ການສືບຕໍ່ສ້າງປັດໃຫ້ແກ່ການກ້າວເດີນສູ່ສັງຄົມນິຍົມຢູ່ປະເທດເຮົາ ພ້ອມດຽວກັນນັ້ນ ປະທານກອງປະຊຸມໄດ້ມີຄຳຖາມເຈາະຈີ້ມ ໃນບາງບັນຫາທີ່ຍັງບໍທັນຈະແຈ້ງ ເພື່ອສົນທະນາແລກປ່ຽນ ຄຳຄິດເຫັນ ກັບຜູ້ເຂົ້າຮ່ວມກອງປະຊຸມ ພ້ອມທັ້ງຊີ້ນໍາໃນການປະກອບຄຳເຫັນໃຫ້ມີລັກສະນະ ວິທະຍາສາດ ເພື່ອຮັບໃຊ້ເຂົ້າໃນການປັບປຸ່ງບົດຄົ້ນຄວ້າໃຫ້ມີ ຄຸນນະພາບ ດີຂື້ນກວ່າເກົ່າ ແລະ ສອດຂ້ອງກັບ ສະພາບຄວາມເປັນຈີງໃນປັດຈຸບັນ
ໃນໂອກາດນີ້ ທ່ານ ສອນທະນູ ທຳມະວົງ ຍັງໄດ້ຕີລາຄາສູງຕໍ່ຄະນະຮັບຜິດຊອບ ການຄົ້ນຄວ້າ ໃນຄົງເຂດຕ່າງໆ ທີ່ໄດ້ເປັນເຈົ້າການໃນການຄົ້ນຄວ້າ ຂຽນຮ່າງສະບັບເບື້ອງຕົ້ນກໍ່ຄື ບັນດາ ກະຊວງອົງການ ແລະ ຂະແໜງການທີ່ກ່ຽວຂ້ອງ ທີ່ໄດ້ສຸມສະຕິປັນຍາເຂົ້າໃນການຄົ້ນຄວ້າ ຊົມເຊີຍກອງເລຂາ ດ້ານເນື້ອໃນເປັນເຈົ້າການສັງລວມ ປັບປຸ່ງເນື້ອໃນສ້າງເປັນສະບັບຮ່າງ ແລະ ສັງຮ່ວມສະບັບສັງຮ່ວມຫຍໍ້ ທີ່ມີເນື້ອໃນຈະແຈ້ງຂື້ນຕື່ມ ໃນຕອນທ້າຍຂອງກອງປະຊຸມໃນຄັ້ງນີ້ ເພື່ອໃຫ້ຄະນະຮັບຜິດຊອບດ້ານເນື້ອໃນສຸມໃສ່ປັບປຸງຮ່າງເນື້ອໃນບົດຄົ້ນຄວ້າໃຫ້ມີເນື້ອໃນສົມບູນ, ມີລັກສະນະວິທະຍາສາດ ສອດຄອງກັບຕົວຈີງ ເພື່ອຈະໄດ້ນຳໄປສະເໜີຕໍ່ກອງປະຊຸມສູນກາງໃນຄັ້ງຕໍ່ໄປ.
ຮຽບຮຽງ: ມຸກດາ
ບກ: ຮຽບຮຽງ