ປກສ ກຸ່ມທາດຂາວ ເມືອງສີສັດຕະນາກ ນະຄອນຫຼວງວຽງຈັນ ໄດ້ຈັດຝຶກອົບຮົມ ໃຫ້ກໍາລັງ ປ້ອງກັນຊາດ-ປ້ອງກັນຄວາມສະຫງົບ ບ້ານໂພນສະຫວັນເໜືອ ເພື່ອຮັບປະກັນທາງດ້ານ ສິດ ແລະ ໜ້າທີ່ ໃນວຽກງານວິຊາສະເພາະ
ເພື່ອຮັບປະກັນ ຄຸນນະພາບທາງດ້ານວິຊາສະເພາະ ໃຫ້ກໍາລັງ ປກຊ-ປກສ ບ້ານໂພນສະຫວັນເໜືອໃນວັນທີ 6 ພຶດສະພາ 2022 ຜ່ານມາ, ປກສ ກຸ່ມທາດຂາວ ເມືອງສີສັດຕະນາກ ນະຄອນຫຼວງວຽງຈັນ ໄດ້ຈັດຝຶກອົບຮົມ ໃຫ້ກໍາລັງ ປກຊ-ປກສ ບ້ານ ເພື່ອຮັບປະກັນທາງດ້ານ ສິດ ແລະ ໜ້າທີ່ ໃນວຽກງານວິຊາສະເພາະ, ໂດຍການເປັນປະທານຂອງ ພັທ ບຸນສອນ ພັນທະວົງ ຮອງຫົວໜ້າກອງບັນຊາການ ປກສ ເມືອງສີສັດຕະນາກ, ມີກໍາລັງລົງກໍ່ສ້າງຮາກຖານການເມືອງ, ການຈັດຕັ້ງບ້ານ ແລະ ກໍາລັງ ປກຊ-ປກສ ບ້ານ ເຂົ້າຮ່ວມ.
ໃນການຝຶກອົບຮົມຄັ້ງນີ້ ບັນດາກໍາລັງ ປກຊ-ປກສ ບ້ານໂພນສະຫວັນເໜືອ, ຈະໄດ້ຮຽນຮູ້ ກ່ຽວກັບການປະຕິບັດໜ້າທີ່ວຽກງານວິຊາສະເພາະເປັນຕົ້ນ: ສິດ ແລະ ພາລະບົດບາດຂອງ ປກສ ບ້ານ, ວຽກງານຄຸ້ມຄອງຄົນຕ່າງປະເທດ, ການໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ, ການຄຸ້ມຄອງເປົ້າໝາຍ ແລະ ການເອົາຄໍາໃຫ້ການເບື້ອງຕົ້ນ, ການຄຸ້ມຄອງສະຖານທີ່ເກີດເຫດ, ເອກະສານການຄຸ້ມຄອງອາຊີບພິເສດ, ເອກະສານການຄຸ້ມຄອງສໍາມະໂນຄົວ ແລະ ອື່ນໆອິກຈຳນວນໜຶ່ງ.
ທິບພະຈັນ: ຮຽບຮຽງ