ພິທີເປີດ SONA FOOD HOUSE ໄດ້ຈັດຂຶ້ນໃນວັນທີ 19 ກຸມພາ ຜ່ານມາ ໂດຍການເຂົ້າຮ່ວມ ທ່ານ ແສງລາຕີ ສະຫວັນຄໍາ ປະທານກຸ່ມບໍລິສັດ ສະຫວັນຄຳ, ມີທ່ານ ນະຣົງ ທາດາເດດ ຜູ້ອໍານວຍການໂຮງໝໍກະເສມຣາດ, ທ່ານ ກະວິນ ວິຣິຍະພານິດ ຜູ້ອໍານວຍການສໍານັກງານສົ່ງເສີມການຄ້າໃນຕ່າງປະເທດ ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂອງເຂົາຮ່ວມ.
ທ່ານ ແສງລາຕີ ສະຫວັນຄໍາ ປະທານກຸ່ມບໍລິສັດ ສະຫວັນຄໍາ ທັງເປັນເຈົ້າຂອງກິດຈະການຮ້ານອາຫານ SONA FOOD HOUSE ໄດ້ກ່າວວ່າ: ສະຫວັນຄຳ ເປັນກຸ່ມບໍລິສັດທີ່ມີຫຼາກຫຼາຍທຸລະກິດ ເປັນຕົ້ນແມ່ນ ເຂື່ອນໄຟຟ້າ, ສະຖານີໄຟຟ້າ, ໂຮງງານຜະລິດນ້ໍາປະປາ, ໂຮງງານຄອນກີດ, ໂຮງງານ ນ້ໍາດື່ມ SONA ແລະ ອື່ນໆ. ໂດຍຄັ້ງນີ້ແມ່ນໄດ້ເພີ່ມອີກໜຶ່ງກິດຈະການເປັນປະເພດສູນອາຫານ ທີ່ຕັດ ສິນໃຈ ສໍາປະທານສະຖານທີ່ສ່ວນໜຶ່ງຂອງໂຮງຫມໍ ກະເສມຣາດ ວຽງຈັນ ເພື່ອສ້າງເປັນສູນອາຫານ ແລະ ເຄື່ອງດື່ມຄົບວົງຈອນຂື້ນ ເພື່ອເປັນການຕອບສະຫນອງຄວາມຕ້ອງການຂອງລູກຄ້າທີ່ມາໃຊ້ບໍລິ ການຢູ່ພາຍໃນໂຮງໝໍແຫ່ງນີ້ ແລະ ຜູ້ທີ່ຢູ່ຂົງເຂດໃກ້ຄຽງ ຂອງ ນ.ວ, ເຊີ່ງທີ່ຕັ້ງຂອງຮ້ານອາຫານ ແມ່ນສາມາດຊອກຫາໄດ້ງ່າຍ, ມີສິ່ງອໍານວຍຄວາມສະດວກຫຼາຍຢ່າງ ແລະ ມີສະຖານທີ່ກວ້າງຂວາງ ສະອາດປອດໂປ່ງ ເຮັດໃຫ້ທຸກຄົນສາມາດໃຊ້ບໍລິການໄດ້ງ່າຍ, ຢູ່ຕິດກັບໂຮງຫມໍກະເສມຣາດ.
ສະຖານທີ່ແຫ່ງນີ້ ນອກຈາກຈະເປັນບ່ອນຮັບປະທານອາຫານ, ເຄື່ອງດື່ມທີ່ເປັນເອກະລັກສະເພາະ ທີ່ໄດ້ຈັດສັນມາໂຮມໄວ້ບ່ອນດຽວແລ້ວ ຍັງຕອບໂຈດ Life Style ຂອງຄົນຍຸກໃຫມ່, ທັງເປັນບ່ອນແລກປ່ຽນພົບປະວຽກງານ ແລະ ອື່ນໆ, ພາຍໃນສູນອາຫານດັ່ງກ່າວ ແມ່ນປະກອບມີ: ຮ້ານເຄື່ອງດື່ມກາເຟ ZAZA Coffee, ຮ້ານ ຣົດດີເດັດ, ຮ້ານ ຮ່ອງເຕ້, ຮ້ານ ແຊບອີ່ຫລີ, ຮ້ານ MOMIZU House, ຮ້ານ Attitude MOM ແລະ ອື່ນໆ. ພອມທັງເຊື່ອຫມັ້ນວ່າ ທາງສູນອາຫານແຫ່ງນີ້ ຈະນໍາເອົາສິ່ງດີໆ ມາຄອຍໄວ້ບໍລິການໃຫ້ທຸກຄົນ ດ້ວຍຄວາມປະທັບໃຈ.
ຂ່າວ: ສົມສະນີດ ພາບ: ສັກ