ໃນວັນທີ 23 ມີນາ 2022 ປກສ ເມືອງທ່າແຂກ ແຂວງຄຳມ່ວນມີຂໍ້ມູນວ່າການເຄື່ອນໄຫວ ຊື້-ຂາຍຢາເສບຕິດ ຢູ່ເຂດບ້ານຄຳຂີ່ໄກ່ ເມືອງທ່າແຂກ ສາມາດຈັບສອງສ່ຽວຕ່າງໄວອາຍຸຄົນບ້ານດຽວກັນ ພ້ມຂອງກາງ ຢາບ້າ 1 ມັດ ກັບ 2 ຖົງ.
ເຈົ້າຫນ້າທີ່ໄດ້ຮັບຂໍ້ມູນ ຈາກພື້ນຖານຈຶ່ງໄດ້ວາງແຜນບັນຈຸກຳລັງ ເພື່ອຕິດຕາມເປົ້າໝາຍດັ່ງກ່າວ. ເມື່ອຕົກມາຮອດເວລາ 10:00 ໂມງຂອງວັນດຽວກັນເຫັນເປົ້າໝາຍ ກຳລັງຂັບຂີ້ລົດຈັກ ຍີຫໍ້ຮອນດ້າຄິກສີແດງ-ດຳ ບໍ່ມີໝາຍເລກທະບຽນ ແມ່ນໄດ້ມີການເຄື່ອນໄຫວນັດສົ່ງຢາເສບຕິດໃຫ້ພັກພວກຜູ້ທີ່ຮ່ວມຂະບວນການນຳກັນ ພໍມາຮອດຕໍ່ໜ້າໂຮງຮຽນ ມສ ນາໂດນ ທາງເຈົ້າໜ້າທີ ຈິ່ງໄດ້ສະແດງຕົວເຂົ້າຈັບກຸມຜູ້ກ່ຽວ ພ້ອມທັງກວດຄົ້ນລົດ ແລະ ໄດ້ພົບເຫັນຢາເສບຕິດ ຈຳນວນ 1 ມັດ,ກັບ 2 ຖົງ.
ທ້າວ ແຕ້ວ ອາຍຸ 36 ປີ, ເປັນປະຊາຊົນຢູ່ບ້ານໂພນພີມ ເມືອງທ່າແຂກ ແຂວງຄຳມ່ວນ.ນອກນັ້ນຜູ້ກ່ຽວຍັງໄດ້ຮັບສາລະພາບວ່າ: ຢາບ້າຈຳນວນ 1 ມັດ,ກັບ 2 ຖົງ ແລະ ໄດ້ຕິດຕໍ່ຊື້-ຂາຍ ກັບ ທ້າວ ບຸນຫານ ອາຍຸ 54 ປີ,ເຊິ່ງເປັນປະຊາຊົນ ຢູ່ບ້ານດຽວກັນ. ສະນັ້ນ ຕົກມາຮອດເວລາປະມານ 15:00 ໂມງຂອງວັນດຽວກັນ ເຈົ້າໜ້າທີ່ຈິ່ງໄດ້ໄປຫາ ທ້າວ ບຸນຫານ ຢູ່ທີ່ຖຽງນາພ້ອມທັງກວດຄົ້ນຕົວຂອງຜູ້ກ່ຽວ ແມ່ນໄດ້ພົບເຫັນຢາບ້າ ຈຳນວນ 1 ເມັດ.
ທິບພະຈັນ: ຮຽບຮຽງ