ນັບແຕ່ວັນທີ 26 ເມສາ ຫາ 2 ພຶດສະພາ 2022, ຢູ່ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນ 28 ກໍລະນີ, ເສຍຊີວິດ 9 ຄົນ, ສ້າງຜົນເສຍຫາຍ 9 ຮ້ອຍລ້ານກວ່າກີບ.
ພັທ ວິລະພົງ ສະເໜ່ຫາ ຫົວໜ້າພະແນກຕຳຫຼວດຈະລາຈອນ ນວ ໃຫ້ຮູ້ວ່າ: ທ້າຍເດືອນເມສາ 2022 ມີອຸບັດຕິເຫດເກີດຂື້ນ 28 ກໍລະນີ, ສາເຫດມາຈາກນັກຂັບຂີ່ປະໝາດ, ຂາດສະຕິ, ບໍ່ເຂັ້ມງວດປະຕິບັດກົດລະບຽບຈະລາຈອນເຊັ່ນວ່າ: ດື່ມສິ່ງມຶນເມົາແລ້ວຂັບຂີ່, ແລ່ນລົດໄວເກີນກໍານົດ, ຊີງຂຶ້ນໜ້າບໍ່ຮັບປະກັນ ແລະ ບໍ່ຮັກສາໄລຍະຫ່າງ ໃນການຂັບຂີ່, ເຊີ່ງມີອຸບັດຕິເຫດເກີດຂຶ້ນຢູ່ຟື້ນທີ່ ເມືອງໄຊທານີ 7 ກໍລະນີ, ເມືອງສີສັດຕະນາກ 6 ກໍລະນີ, ເມືອງໄຊເສດຖາ 6 ກໍລະນີ, ເມືອງຈັນທະບູລີ 3 ກໍລະນີ, ເມືອງຫາດຊາຍຟອງ 3 ກໍະນີ, ເມືອງສີໂຄດຕະບອງ2 ກໍລະນີ ແລະ ເມືອງປາກງື່ມ 1 ກໍລະນີ; ມີຄົນໄດ້ຮັບບາດເຈັບ ທັງໝົດ 29 ຄົນ, ບາດເຈັບເລັກໜ້ອຍ 8 ຄົນ, ບາດເຈັບສົມຄວນ 15 ຄົນ, ບາດເຈັບສາຫັດ 5 ຄົນ ແລະ ມີຜູ້ເສຍຊີວິດ 9 ຄົນ; ມີພາຫະນະເປ່ເພທັງໝົດ 51 ຄັນ, ເປ່ເພ່ເລັກນ້ອຍ 10 ຄັນ, ເປ່ເພສົມຄວນ 40 ຄັນແລະ ໃຊ້ການບໍ່ໄດ້ 1 ຄັນ, ສ່ວນໄລຍະເວລາທີ່ເກີດອຸບັດຕິເຫດ ສ່ວນຫຼາຍແມ່ນເວລາ 19:00 ໂມງ – 24:00 ໂມງ, ລວມມູນຄ່າຄວາມເສຍຫາຍ 9 ຮ້ອຍລ້ານກວ່າກີບ.
ທິບພະຈັນ: ຮຽບຮຽງ