ຫວຽດນາມ ເປີດຕົວສະຖານທີ່ທ່ອງທ່ຽວແຫ່ງໃໝ່ໃນແຂວງເຊີນລາ ວັນທີ 29 ເມສາ 2022, ເປັນຂົວແກ້ວ ຍາວທີ່ສຸດໃນໂລກ, ຂົວດັ່ງກ່າວມີຄວາມຍາວທັງໝົດ 600 ແມັດ, ສູງຈາກໜ້າດິນ 150 ແມັດ, ບໍລິສັດຜູ້ສ້າງ ລະບຸວ່າ ຂົວແກ້ວແຫ່ງນີ້ ເປັນຂົວພື້ນປູດ້ວຍແກ້ວ ທີ່ມີຄວາມຍາວທີ່ສຸດໃນໂລກ.
ຂົວດັ່ງກ່າວມີຊື່ວ່າ ມັງກອນຂາວ, ຕັ້ງຢູ່ແຂວງເຊີນລາ ທາງຳາກຕາເວັນຕົກສ່ຽງເໜືອຂອງປະ ເທດ ເປັນຂົວຂ້າມພູເຂົາສູງເຊື່ອມລະຫວ່າງສອງຍອດພູເຂົາ ມີຄວາມຍາວ 632 ແມັດ, ຂະນະທີ່ພື້ນຂອງຂົວເຮັດຈາກແກ້ວນິລະໄພທີ່ຜະລິດໃນປະເທດຝຣັ່ງ ມີຄວາມແຂງແຮງ ແລະ ສາມາດຮອງຮັບນ້ຳໜັກໄດ້ຫຼາຍກວ່າ 450 ຄົນໃນຄັ້ງໜຶ່ງ, ບໍລິສັດເຜີຍວ່າ ຂົວແກ້ວ ມັງກອນຂາວ ເປັນຂົວແກ້ວທີ່ຍາວທີ່ສຸດໃນໂລກ ທຳລາຍສະຖິຕິຂົວແກ້ວໃນມົນທົນກວາງຕຸ້ງ ປະເທດຈີນ ທີ່ມີຄວາມຍາວ 526 ແມັດ
ຫວຽດນາມ ພະຍາຍາມທີ່ຈະດຶງດູດນັກທ່ອງທ່ຽວກັບເຂົ້າສູ່ປະເທດຫຼັງຈາກຕ້ອງປິດປະເທດເປັນເວລາ 2 ປີ ເນື່ອງຈາກການລະບາດຂອງພະຍາດໂຄວິດ-19 ແລະ ຫຼ້າສຸດ ຫວຽດນາມ ປະກາດຍົກເລິກມາດຕະການກັກຕົວຂອງນັກທ່ອງທ່ຽວຕ່າງປະເທດ ແລະ ເລີ່ມເປີດຮັບນັກທ່ອງທ່ຽວຈາກ 13 ປະເທດ ທີ່ໄດ້ຮັບການຍົກເວັ້ນວີຊ່າແລ້ວ, ໃນຂະນະດຽວກັນ, ຫວຽດນາມກໍກຳລັງກຽມເປີດກີລາຊີເກມໃນອີກ 2 ອາທິດຕໍ່ໜ້ານີ້, ໂດຍຈະມີນັກກີລາ ແລະ ພາກສ່ວນທີ່ກ່ຽວຂ້ອງ 10.000 ຄົນ ຈາກ 10 ປະເທດເດີນທາງເຂົ້າໄປຫວຽດນາມເພື່ອຮ່ວມແຂ່ງຂັນກີລາໃນປະເທດຫວຽດນາມອີກດ້ວຍ.