ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ: ນາງ ນ້ອຍ ແລະ ທ້າວ ແປບຊີ້ ( ລູກຊາຍຂອງນາງ ວັນ ) ກຳລັງ ຈະແຕ່ງດອງກັນ, ໃກ້ຈະຮອດມື້ແຕ່ງ ຝ່າຍຊາຍ ຫນີຈາກງານແຕ່ງ , ຜູ້ເປັນຝ່າຍຍິງ ຄິດວ່າ ແມ່ຮູ້ເຫັນ ຈິ່ງມີຄວາມແຄ້ນ ໃຫ້ຜູ້ເປັນແມ່ຂອງຝ່າຍຊາຍ.
ເຫດການນີ້, ເກີດຂຶ້ນໃນເວລາ 18:00 ໂມງ ຂອງ ວັນ 10 ກຸມພາ 2022 ນາງນ້ອຍ ໄດ້ໂທລະສັບຫານາງ ສັງວານ ຫຼື ວັນ ຜູ້ເປັນແມ່ຂອງທ້າວ ແປບຊີ້ ແລ້ວຖາມວ່າ ທ້າວ ແປບຊີ້ ໄປໃສແທ້. ນາງ ວັນ ຕອບ ບໍ່ຮູ້,ບໍ່ຈັກ, ນາງ ນ້ອຍ ໄດ້ເວົ້າວ່າ ຖ້າທ້າວ ແປບຊີ້ ຊີຫນີ ແທ້ຄືບໍ່ເວົ້າກັນ
ກ່ອນ, ຄືບໍ່ເມື່ອຫາ ພໍ່ແມ່ເຮົາກ່ອນ (ພໍ່ແມ່ຝ່າຍຍີງ )ບາດຮອດຍາມກິນດອງແທ້ ຊິເຮັດແນວໃດ, ພວກເຈົ້າຄືມາເວົ້າສະບາຍແທ້ຢ້ານເສຍເງິນບໍ, ພາຍຫຼັງວາງໂທລະສັບແລ້ວນາງ ນ້ອຍ ຈື່ງມີແນວຄິດຢາກຮ້າຍ ໃສ່ນາງ ວັນ ຄິດວ່າ
ນາງ ວັນ ບອກໃຫ້ ທ້າວ ແປບຊີ້ ໜີຈາກຜູ້ກ່ຽວ ຈຶ່ງໄດ້ຈັບ
ເອົາມີດເໜັບເຊື່ອງໃສ່ແອ່ວພ້ອມກັບເສື້ອຍືດແຂນສັ້ນສີດຳຂອງຜູ້ກ່ຽວແລ້ວຍ່າງໄປຕາມທາງມຸ້ງໜ້າໄປເຮືອນຂອງນາງ ວັນ ຢູ່ບ້ານປາກດົງເມືອງທ່າແຂກ ແຂວງຄຳມ່ວນ.
ຮອດ ເວລາ 23:00 ໂມງຂອງວັນດຽວກັນ ນາງ ນ້ອຍ ແມ່ນໄດ້ຍ່າງໄປຮອດເຮືອນ ຂອງນາງ ວັນ ແລ້ວໄປລີ້ຢູ່ແຈເຮືອນ ແລະ ເອົາເສື້ອປິດບັງໃບໜ້າ ຈາກນັ້ນ ໃຊ້ມິດທີ່ງັດປະຕູ ກຽມມານັ້ນເຂົ້າໄປລີ້ຢູ່ໃນເຮືອນໄດ້ປະມານ 30 ນາທີ, ທ້າວ ດາວອນ ຜົວຂອງນາງ ວັນ ລຸກມາ ເຂົ້າຫ້ອງນ້ຳ ເຫັນປະຕູເຮືອນຖືກງັດ ຈຶ່ງໄດ້ປຸກຜູູ້ເປັນເມຍລຸກຂຶ້ນມາ
ເບິ່ງ ແລ້ວໄດ້ພາກັນກວດກາເບິ່ງເຄື່ອງເຮືອນເຫັນວ່າບໍ່ມີຫຍັງເສຍຫາຍຈຶ່ງກັບນອນຄືນ.
ຮອດເວລາ 3:00 ໂມງເຊົ້າ, ຂອງວັນທີ່ 11 ກຸມພາ 2022 ນາງ ນ້ອຍຈຶ່ງໄດ້ຕັດສິນໃຈເປີດ ມຸ້ງເຂົ້າໄປ ແລ້ວໃຊ້ມີດທີ່ກຽມມາພ້ອມພັນໃສ່ຫົວຂອງ ນາງ ວັນ ຈຳນວນ ຫຼາຍບາດເພື່ອຫວັງເອົາຊີວິດ ແຕ່ຜູ້ເປັນຜົວ ນາງ ວັນ ໄດ້ລຸກຂື້້ນມາຍາດເອົາມິດນຳ ນາງ ນ້ອຍ ແລ້ວຈຶ່ງໄດ້ໃຊ້ມິດພັນໃສ່ຫົວ ທ້າວ ດາວວອນ 2 ບາດ ໄດ້ຮັບບາດເຈັບ.
ຈາກນັ້ນ ທ້າວ ດາວອນ ຈຶ່ງຮ້ອງຂໍຄວາມຊ່ວຍເຫຼືອ ຈາກນຫ້ນ ນາງ ນ້ອຍ ຈິ່ງແລ່ນຫນີໄປທາງປ່າຫັຼງເຮືອນພ້ອມທັງໂຍນມິດທີ່ໃຊ້ກໍ່ເຫດຖີ້ມ ແລ້ວເອົາຕົວຫຼົບໜີ, ມາຮອດເວລາ 6:00 ໂມງ ຂອງວັນດຽວກັນ ຖືກຈັບຕົວໄດ້.
ຮຽບຮຽງ: ທິບພະຈັນ