ຂ່າວຕໍ່ໄປນີ້ ຈະພາໄປເບີ່ງຄວາມຫນ້າຮັກຂອງນ້ອງໆຜູ້ເຂົ້າປະກວດ miss junior idol world Laos 2022 ໃນຮອບຕັດສິນ ທີ່ຈະຄັດເລຶອກເອົາ 3 ຫມາຍເລກໄປກວດຕໍ່ໃນລະດັບສາກົນ ທີ່ຈະຈັດຂຶ້ນໃນເດືອນພຶດສະພາ ທີ່ຈະມາເຖີງນີ້.
ໂຄງການປະກວດ miss junior idol world Laos 2022 ແມ່ນຈັດຂຶ້ນເປັນຄັ້ງທຳອິດຢູ່ໃນລາວ ເພື່ອຄັດເລືອກເອົາເຍົາວະຊົນລາວ ທີ່ມີຄວາມສາມາດໃນຫຼາຍໆດ້ານ ບໍ່ວ່າຈະເປັນການຍ່າງ ແລະ ກິລິຍາມາລະຍາດ, ທັງເປີດໂອກາດໃຫ້ນ້ອງໆເຍົາວະຊົນໄດ້ມີເວທີສະແດງອອກ ແລະ ຫາປະສົບການ ຕາມຄວາມຝັນຂອງເຂົາເຈົ້າ, ການປະກວດໃນຮອບຕັດສິນ ແມ່ນຈັດຂຶ້ນໃນວັນທີ 6 ເມສາ 2022, ໂດຍມີນ້ອງໆຜູ້ເຂົ້າປະກວດຜ່ານເຂົ້າຮອບສຸດທ້າຍ ທັງຫມົດ 12 ໝາຍເລກ ໃນຮຸ່ນອານຸຊົນ ອາຍຸ ແຕ່ 5 ຫາ 8 ປີ, ເຍົາວະຊົນຮຸ່ນ 1 ອາຍຸ 9 ຫາ 11 ປີ ແລະ ເຍົາວະຊົນຮຸ່ນ 2 ອາ ຍຸ 13 ຫາ 15 ປີ, ທີ່ມາໃນຊຸດປະຈຳຊາດ, ຊຸດເດີນແບບຈາກໂຄງການປະກວດ, ຊຸດລາຕີທີ່ສະຫງ່າງາມ ແລະ ສົດໃສ ແບບສະບັບນ້ອງໆເຍົາວະຊົນ
ຜ່ານການປະກວດ ແລະ ຕັດສິນຈາກຄະນະກຳມະການ 5 ທ່ານ ຜູ້ຊະນະເລີດ ທັງ 3 ໝາຍເລກ 3 ຮຸ່ນອາຍຸ ຄື: miss junior idol world Laos 2022 ແມ່ນ MJL 2 ນາງ ຮັນນາ ຊົງຄຳແກ້ວ, ລິເທີ miss junior idol world Laos 2022 ແມ່ນຫມາຍເລກ MJL5 ນາງພາວິສາ ພີມດາວົງ ແລະ ມິນິຈູເນຍໄອດໍ້ເວີລາວ 2022 ແມ່ນຫມາຍເລກ MJL 12 ນາງ ໄຫມສິກສະມ່າຍ ເນັ່ງມົ້ງວ່າງ ຜູ້ຊະນະເລິດທັງ 3 ຫມາຍເລກ ໄດ້ຮັບເງີນລາງວັນ 6 ລ້ານກີບ ພ້ອມມົງກຸດ ແລະ ສາຍສະພາຍ, ນອກນີ້ ຍັງມີລາງວັນພິເສດ ຄືຂັວນໃຈມະຫາຊົນ ແມ່ນ MJL 04 ນາງ ມູນ້າ ຂຸນວົງ. ໄດ້ຮັບເງີນລາງວັນ 6 ລ້ານກີບ ແລະ ມົງກຸດ ພ້ອມສາຍສະພາຍ ສ່ວນມິສເຕີຈູເນຍ 2022 ແມ່ນ ທ້າວ ແຄຣລີ້ ບົວພັນ ໄດ້ຮັບເງີນລາງວັນ 6 ລ້ານກີບ. ທືນການສຶກສາ 2 ລ້ານກີບ ແລະ ມົງກຸດ ພ້ອມສາຍສະພາຍ.
ຜູ້ຊະນະທັງສາມໝາຍເລກ ລວມທັງ ມິສເຕີຈູເນຍ ໄອດໍ້ເວີລາວ 2022 ແມ່ນຈະໄດ້ເປັນຕົວແທນປະເທດລາວ ໄປປະກວດໃນເວທີລະດັບສາກົນ ເຊິ່ງມີຜູ້ເຂົ້າປະກວດຫຼາຍກວ່າ 20 ປະເທດໃນທົ່ວໂລກ ທີ່ຈະຂຶ້ນຢູ່ປະເທດໄທ ໃນລະຫວ່າງ ວັນທີ 10 ຫາ 15 ພຶດສະພາ 2022 ນີ້
ຂ່າວ: ສົມສະນິດ
ພາບ: ລຸນ
ຕັດຕໍ່: ເຕີ້ງ