ໃນວັນທີ 27 ມິຖຸນາ 2022, ທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ຖະແຫຼງກ່ຽວກັບຜົນສຳເລັດໃນການເຄື່ອນໄຫວວຽກງານຂອງຄະນະປະຈໍາສະພາແຫ່ງຊາດ ແລະ ການຕິດຕາມກວດກາ ຂອງສະພາແຫ່ງຊາດ ກ່ຽວກັບການປະຕິບັດວາລະແຫ່ງຊາດ ໃນໄລຍະຜ່ານມາ ແລະ ການໄດ້ເລັ່ງຕິດຕາມຄວາມຄືບໜ້າການປະຕິຮູບລັດວິສາຫະກິດ ລວມທັງ ການປັບປຸງໂຄງສ້າງຂອງທະນາຄານທຸລະກິດລັດ ໂດຍສະເພາະ ວິສາຫະກິດ ທີ່ດໍາເນີນທຸ ລະກິດຂາດທຶນຕໍ່ເນື່ອງເປັນເວລາຫຼາຍປີ ແລະ ວິສາຫະກິດທີ່ດຳເນີນທຸລະກິດບໍ່ມີປະສິດທິຜົນ ໃຫ້ຄົ້ນຄວ້າປັບປຸງຄືນໂຄງສ້າງການຈັດຕັ້ງ, ປັບປຸງການບໍລິຫານ ແລະ ບຸກຄະລາກອນໃຫ້ມີປະສິດທິພາບ.
ທ່ານ ນາງ ສຸນທອນ ໄຊຍະຈັກ ໄດ້ກ່າວວ່າ: ລັດຖະບານ ຄວນເອົາໃຈໃສ່ຊີ້ນຳຂະແໜງການກ່ຽວຂ້ອງຈັດຕັ້ງປະຕິ ບັດການປະຕິຮູບ ລັດວິສາຫະກິດ ລວມທັງທະນາຄານທຸລະກິດລັດ, ແກ້ໄຂໜີ້ສິນໃຫ້ຫຼຸດລົງ ແລະ ປັບປຸງຖານະການເງິນໃຫ້ສາມາດແຂ່ງຂັນທາງດ້ານທຸລະກິດ ເພື່ອເຮັດໃຫ້ວິສາຫະກິດມີປະສິດທິຜົນ, ກ້າວໄປສູ່ການມີກໍາໄລ ແລະ ເປັນຕົວແບບໃນການປະຕິບັດພັນທະເຂົ້າງົບປະມານແຫ່ງລັດ ເຊັ່ນ: ບໍລິສັດໄຟຟ້າລາວ, ໄຟຟ້າລາວມະຫາຊົນ, ການບິນລາວ ນໍ້າມັນເຊື້ອໄຟລາວ ແລະ ຊີມັງລາວ, ພ້ອມທັງ ກຳນົດຕາຕະລາງເວລາປັບປຸງລັດວິສາຫະກິດ ທີ່ລະອຽດຈະແຈ້ງ, ກໍານົດວິທີການ ແລະ ທິດທາງການປະຕິຮູບລັດວິສາຫະກິດໃຫ້ເປັນ 4 ປະເພດ ໃນປີ 2022, ການປະຕິຮູບ 5 ຫົວໜ່ວຍລັດວິສາຫະກິດ ເປັນວຽກຈຸດສຸມຂອງວາລະແຫ່ງຊາດ ເປັນຕົ້ນ ລັດວິສາຫະກິດໄຟຟ້າລາວ, ລັດວິສາຫະກິດນ້ຳມັນເຊື້ອໄຟຟ້າລາວ, ບໍລິສັດຜະລິດໄຟຟ້າລາວ ມະຫາຊົນ, ລັດວິສາຫະກິດການບິນລາວ ແລະ ລັດວິສາຫະກິດພັດທະນາອຸດສາຫະກຳ-ກະສິກຳ, ບໍລິການຂາເຂົ້າ-ຂາອອກ, ຮີບຮ້ອນ, ຄົ້ນຄວ້າອອກຂໍ້ຕົກລົງ ວ່າດ້ວຍກໍານົດໝາຍເງິນເດືອນ, ເງິນອູດໜູນ, ເງິນນະໂຍບາຍ ແລະ ລາຍຈ່າຍບໍລິຫານຂອງລັດວິສາຫະກິດ. ສ່ວນການຈັດຕັ້ງປະຕິບັດວາລະແຫ່ງຊາດ 2 ສະບັບ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ເກີດຂຶ້ນໃນແຕ່ລະໄລຍະ ເປັນຕົ້ນ ການແກ້ໄຂສະພາບບັນຫານໍ້າມັນເຊື້ອໄຟ, ການຕົກລົງຫຼຸດອັດຕາອາກອນຊົມ ໃຊ້ນໍ້າມັນເຊື້ອໄຟລົງ, ການແກ້ໄຂບັນຫາຢາເສບຕິດ ແລະ ວຽກງານອື່ນໆ; ລົງເຄື່ອນໄຫວຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດວາລະແຫ່ງຊາດ ພ້ອມກັບການຕິດຕາມກວດກາຫົວຂໍ້ຕ່າງໆ ໂດຍສະເພາະ ການຕິດຕາມກວດກາ ການດໍາເນີນທຸລະກິດການຂຸດຄົ້ນ ແລະ ປຸງແຕ່ງແຮ່ເຫຼັກໃນໄລຍະເຮັດທົດລອງ; ການຜະລິດກະສິກໍາ ເພື່ອຄໍ້າປະກັນສະ ບຽງອາຫານ, ທົດແທນການນໍາເຂົ້າ, ເປັນສິນຄ້າສົ່ງອອກ, ການສົ່ງເສີມວິສາຫະກິດຂະໜາດນ້ອຍ ແລະ ກາງ.