ວັນທີ 17 ມີຖຸນາ 2022, ປກສ ກຸ່ມດົງໂດກ ສົມທົບກັບ ປກສ ບ້ານສະພັງເມິກ ເມືອງໄຊທານີ ແກ້ໄຂເປົ້າໝາຍຄ້າຂາຍຢາບ້າ ຢູ່ບ້ານສະພັງເມິກ ຈັບຕົວ ທ້າວ ສຸລິສັກ ອາຍຸ 25 ປີ ກຳມະກອນ ພັກເຊົາຢູ່ບ້ານ ດົງປາລານ ເມືອງສີສັດຕະນາກ ພ້ອມຂອງກາງຢາບ້າ 112 ເມັດ.
ຜ່ານການໃຫ້ຄໍາໃຫ້ການເບື້ອງຕົ້ນ ທ້າວ ສຸລິສັກ ຍອມຮັບສາລະພາບວ່າ: ໄດ້ເສບມົ້ວສຸມຢາເສບຕິດ ມາຕັ້ງແຕ່ປີ2020 ເຖິງ ປັດຈຸບັນ ເສບຄັ້ງລະ 5 ເມັດ. ລ່າສຸດ ເວລາ 9:00 ໂມງ ວັນທີ 17 ມີຖຸນາ 2022 ໄດ້ອອກຈາກບ້ານໄປຊື້ຢາບ້າ ນໍາຊາຍຄົນໜຶ່ງ ຢູ່ເຂດບ້ານດອນໜູນ-ໄຊສະຫວ່າງ ຈໍານວນ 2 ຄັ້ງ: ຄັ້ງທີ 1 ຈໍານວນ 20 ເມັດ ແລະ ຄັ້ງທີ 2 ຈຳນວນ 100 ເມັດ ຍັງບໍ່ທັນເອົາໄປຂາຍເທື່ອ ຖືກເຈົ້າໜ້າທີ່ເຂົ້າຈັບຕົວກ່ອນ. ປັດຈຸບັນ ຖືກນໍາສົ່ງມອບຕົວໃຫ້ ກອງບັນຊາການ ປກສ ເມືອງໄຊທານີ ສືບຕໍ່ຂະຫຍາຍຜົນດຳເນີນຄະດີຕາມກົດໝາຍ.
ທິບພະຈັນ:ຮຽບຮຽງ