ໃນຕອນເຊົ້າຂອງວັນທີ່ 06 ມິຖຸນາ 2022 ເຈົ້າໜ້າທີ່ ປກສ ເມືອງຊໍາໃຕ້ ໄດ້ລົງປະຕິບັດໜ້າທີ່ຢູ່ກູ່ມບ້ານພັນຊໍາ ພໍເມືອຮອດຈຸດສົ້ນຂົວຫ້ວຍສະໜອງ ລະຫວ່າງກາງບ້ານພຽງດ້າຍ ຫາ ບ້ານສົບແກ້ມ ກູ່ມພັນຊໍາ ເມືອງຊໍາໃຕ້ ແຂວງຫົວພັນ ໄດ້ພົບເຫັນຜູ້ຕ້ອງສົງໄສ ຈຳນວນ 2 ຄົນເຈົ້າໜ້າທີ່ຈື່ງໄດ້ເຂົ້າກວດຄົ້ນ, ຜູ້ທີ່1 ຊື່ ທ້າວຈື່ເນັ່ງ ອາຍຸ 22 ປີ ປະຊາຊົນ ບ້ານເມືອງກວັນ ເມືອງກວັນ ແຂວງຫົວພັນ ແລະ ນາງ ປໍເຢ້ ອາຍຸ24 ປີ ປະຊາຊົນ ບ້ານດ່ານໄຊ ເມືອງວຽງໄຊ ແຂວງຫົວພັນ ຜ່ານການກວດກາໄດ້ພົບເຫັນຢາບ້າຈໍານວນ 6,000 ເມັດ ແລະ ຢາຝິ່ນຈໍານວນ01 ກ້ອນ ນ້ໍາໜັກ 2,4 ກລາມ, ເງີນກີບທະນາຄານຈໍານວນ 5,000,000 ກີບ, ໂທລະສັບມືຖື 02 ໜ່ວຍ, ລົດຈັກຢີ່ຫໍ່ຮອນດາ 02 ຄັນ ຈາກນັ້ນເຈົ້າໜ້າທີ່ຈຶ່ງໄດ້ຈັບຕົວພວກກ່ຽວທັງສອງ ພ້ອມຂອງກາງ ເພື່ອມາດຳເນີນການສືບສວນ – ສອບສວນຂະຫຍາຍຜົນຕໍ່ໄປ.
ຈາກນັ້ນເວລາ 14 ໂມງ ຂອງວັນດຽວກັນເຈົ້າໜ້າທີ່ ປກສ ເມືອງຊໍາໃຕ້ ໄດ້ປະສານສົບທົບກັບໄອຍາການປະຊາຊົນເຂດ III ແຂວງຫົວພັນແລະ ເຈົ້າໜ້າທີ່ ປກສ ເມືອງກັວນ ແລະ ອໍານາດການປົກຄອງບ້ານ ເຂົ້າກວດຄົ້ນເຮືອນຂອງທ້າວ ກ້າຍິ່ງມົວ ອາຍຸ 50 ປີ ປະຊາຊົນ ຢູ່ບ້ານເມືອງກວັນ ເມືອງກວັນ ແຂວງຫົວພັນ ເຊີ່ງເປັນພໍ່ຂອງທ້າວ ຈື່ເນັ່ງ ຜ່ານການກວດ
ຄົ້ນໄດ້ພົບເຫັນຢາບ້າ ຈໍານວນ 130 ເມັດ ແລະ ຢາຝິ່ນ 01 ຫໍ່ ນ້ໍາໜັກ5,3 ກລາມ ,ເງີນກີບທະນາຄານຈໍານວນ 750,000 ກີບ ທີ່ຊຸກເຊື່ອໄວ້ຢູ່ພື້ນເຮືອນຂອງຜູ່ກ່ຽວ ເຈົ້າໜ້າທີ່ຈື່ງໄດ້ຈັບຕົວຜູ່ກ່ຽວພ້ອມຂອງກາງ ມາດຳເນີນການສືບສວນ – ສອນສວນ ຜ່ານການສືບສວນ – ສອບສວນຜູ່ກ່ຽວໄດ້ສາລະພາບວ່າ ຢາບ້ານຈໍານວນ 130 ເມັດ ແລະ ຢາຝິ່ນ 01 ຫໍ່ ນ້ໍາໜັກ 5,3 ກລາມ, ເງີນກີບທະນາຄານຈໍານວນ 750,000 ກີບ ແມ່ນຂອງຜູ່ກ່ຽວແທ້ ໄດ້ຊື້ນໍາບຸກຄົ້ນທີ່ບໍ່ຮູ້ຊື່ເພື່ອມາເສບ ແລະ ຂາຍຍ່ອຍ.
ຈາກນັ້ນເຈົ້າໜ້າທີ່ ປກສ ເມືອງຊໍາໃຕ້ ຈື່ງໄດ້ສົ່ງພວກກ່ຽວທັງ 03 ຄົນພ້ອມຂອງກາງຢາບ້າທັງໝົດ 6130 ເມັດ ແລະ ຢາຝິ່ນ 01 ກ້ອນກັບ01ຫໍ່ ນໍ້າໜັກ 7,7 ກລາມ, ເງີນກີບທະນາຄານຈໍານວນ 5,750,000 ກີບ, ໂທລະສັບມືຖື 02 ໜ່ວຍ, ລົດຈັກຢີ່ຫໍ່ຮອນດາ 02 ຄັນ ໃຫ້ພະແນກສະກັດກັ້ນ ແລະ ຕ້ານຢາເສບຕິດແຂວງຫົວພັນ ເພື່ອດຳເນີນຄະດີຕາມລະບຽບກົດໝາຍຕໍ່ໄປ.
ທິບພະຈັນ:ຮຽບຮຽງ