ໃນວັນທີ 7 ມີຖຸນາ 2022, ປະຊາຊົນບ້ານແບງຄໍາ ເມືອງແບງ ແຂວງອຸດົມໄຊ ໄດ້ສ້າງຂະບວນການອອກແຮງງານລວມ ຢູ່ຂອບເຂດຮັບຜິດຊອບຂອງບ້ານ ໂດຍການລົງຊີ້ນຳ-ນຳພາ ຂອງທ່ານ ວຽງອຸດົມ ແກ້ວກັນຍາ ນາຍບ້ານແບງຄໍາ.
ການອອກແຮງງານໃນຄັ້ງນີ້ ແມ່ນໄດ້ພາກັນຖ້າງຫຍ້າ, ຕັດຫຍ້າ ແລະ ເສຍຫຍ້າ, ທໍາລາຍກະ ໂປະກະປ໋ອງ ແລະ ພາຊະນະທີ່ມີນໍ້າຂັງ ທີ່ເປັນແຫຼ່ງເພາະພັນຂອງຍຸງລາຍ ໃນຂອບເຂດຮັບຜິດຊອບ ເປັນຕົ້ນແມ່ນ ຂອບເຂດສະໂມສອນບ້ານ, ເສັ້ນທາງຊອຍເຂົ້າບ້ານ ແລະ ຕາມເສັ້ນທາງຫຼວງແຫ່ງຊາດ ເພື່ອເຮັດໃຫ້ສະຖານທີ່ດັ່ງກ່າວ ມີຄວາມເປີດແປ້ນສະອາດຈົບງາມເປັນຕາໜ້າຢູ່ ທັງນີ້ກໍເພື່ອເປັນການປ້ອງກັນການລະບາດຂອງພະຍາດໄຂ້ຍຸງລາຍ ທີ່ຈະເກີດຂຶ້ນຕາມລະດູການ.
ພາບ: ສີວົງໄຊ, ຂ່າວ: ກິ່ງມະນີ (ເມືອງແບງ)