ຄອບຄົວຜູ້ຖືກຍິງ ຢູ່ທາງດ່ວນ ເພິ່ນໄດ້ ຂໍຄວາມຊ່ວຍເຫຼືອ ໂດຍຕ້ອງການເລືອດກຸບ O ດ່ວນ ໂຮງໝໍ 150ຕຽງ 91068295 ຕິດຕໍ່ຫາເພິ່ນNokkhaek Kspc
ບໍລິຈາກເລືອດໄດ້ທີ່ສະຖາບັນເລືອດແຫ່ງຊາດ (ທາດດຳ ) ໃຫ້ໃສ່ຊື່ ທ້າວ ສັນຕິສຸກ ສຸນາເຄນ ອາຍຸ 27 ປີ ບ້ານໂພນສະຫວ່າງ ເມືອງຈັນທະບູລີ ນະຄອນຫຼວງວຽງຈັນ, ເຊິ່ງເຫດການດັ່ງກ່າວ ເກີດຂຶ້ນເວລາປະມານ 12:30 ໂມງຂອງວັນທີ 5 ມິຖຸນາ 2022 ມີຄົນຮ້າຍປະມານ 2-3 ຄົນ ພ້ອມອາວຸດ ໄດ້ລັດຍິງລົດຜູ້ທີ່ສັນຈອນຕາມເສັ້ນທາງດ່ວນ ວຽງຈັນ-ວັງວຽງ ເຮັດໃຫ້ມີຜູ້ໄດ້ຮັບບາດເຈັບສາຫັດ 1 ຄົນ ແລະ ເຈັບເລັກກນ້ອຍ 2 ຄົນ.
ເຊິ່ງເຫດການດັ່ງກ່າວ ເກີດຂຶ້ນຢູ່ປາກອຸໂມງທາງດ່ວນວຽງຈັນ-ວັງວຽງ ເບື້ອງຫີນເຫີບ, ຄົນຮ້າຍພ້ອມອາວຸດເສີກ ໄດ້ລັດຍິງລົດກະບະຝອດທີ່ກຳລັງມຸ່ງຫນ້າໄປວັງວຽງ ເຮັດໃຫ້ຜູ້ໂດຍສານໄດ້ຮັບບາດເຈັບສາຫັດ ແລະ ເວລຕໍ່ມາຄົນຮ້າຍ ໄດ້ຍິງລົດເກັງອີກຄັນຫນຶ່ງ ເຮັດໃຫ້ສອງພໍ່ລູກບາດເຈັບເລັກນ້ອຍ.
ຕໍ່ກັບເຫດການດັ່ງກ່າວ, ເຈົ້າໜ້າທີ່ກຳລັງເກັບກຳຂໍ້ມູນຫຼັກຖານ ແລະ ເລັ່ງໄລ່ຈັບຕົວຜູ້ກໍ່ເຫດມາລົງໂທດ.
ທິບພະຈັນ:ຮຽບຮຽງ