ຕອນເຊົ້າ ເວລາ 10:30 ໂມງ ຂອງວັນທີ 17 ພຶດສະພາ 2022 ນີ້ ເຈົ້າໜ້າທີ່ ປກສ ເມືອງແອດ ແລະ ອົງການຈັດຕັ້ງຂອງບ້ານ ໄດ້ເຂົ້າຄົ້ນຫາເຄຫາສະຖານທີ່ ເຮືອນຂອງປະຊາຊົນບ້ານພຽງລູ້ເຊີ່ງເປັນຈຸດມົວສຸມການເສບຢາເສບຕິດ.
ຜ່ານການກວດຄົ້ນເຮືອນຫຼັງດັ່ງກ່າວເຊີ່ງເປັນເຮືອນຂອງ ທ້າວ ລ້ຽວລາຍ ອາຍຸ 22 ປີ, ປະຊາຊົນ ບ້ານພຽງລູ້ ເມືອງແອດ ແຂວງຫົວພັນຜ່ານການກວດຄົ້ນເຮືອນຫຼັງດັ່ງກ່າວຈິ່ງພົບເຫັນສິ່ງທີ່ຜິດກົດໝາຍທີ່ຊຸກເຊື່ອງຢູ່ໃນເຮືອນຂອງຜູ້ກ່ຽວຄື: ຢາງໄມ້ສີດຳ ຄ້າຍຄືຢາຝິນ 1,2 ກິໂລກຼາມ ອາວຸດປະເພດປືນນໍ້າເຫຼົ້າ 1 ກະບອກ ແລະ ລູກປືນອັດ ຈຳນວນ 19 ລູກ.
ສະນັ້ນ ທາງທີມງານກວດຄົ້ນ ຈິ່ງໄດ້ຈັບຕົວຜູ້ກ່ຽວພ້ອມດ້ວຍຂອງກາງ ສິ່ງທີ່ຜິດກົດໝາຍມາດຳເນີນຄະດີຕາມຫຼັກການຂອງແງ່ກົດໝາຍ.
ທິບພະຈັນ: ຮຽບຮຽງ