ວັນທີ 05 ພຶດສະພາ 2022, ໄດ້ມີປະຊາຊົນ ແຈ້ງຕໍ່ເຈົ້າໜ້າທີ່ ກອງບັນຊາການ ປກສ ເມືອງນາຊາຍທອງ ນວ ວ່າ: ມີຊາຍຄົນໜຶ່ງໃຊ້ອາວຸດປຶນຍິງນາບຂູ່ປະຊາຊົນ ຢູ່ບ້ານພັດທະນາ ເມືອງນາຊາທອງ, ຈາກນັ້ນ ເຈົ້າໜ້າທີ່ກອງບັນຊາການ ປກສ ເມືອງນາຊາຍທອງ ຈິ່ງໄດ້ເຂົ້າກັກຕົວຜູ້ກ່ຽວຢູ່ເຮືອນ ພ້ອມອາວຸດປືນ 2 ກະບອກຄື: ປືນສັ້ນຍີ່ຫໍ້ COLT AK 1191 CAL 9 mm ແລະ ປືນສັ້ນຍີ່ຫໍ້ RAMMO 9 mm ພ້ອມດ້ວຍລູກປຶນ 5 ລູກ ມາສອບສວນ.
ຜ່ານການສອບສວນ ຂອງເຈົ້າໜ້າທີ່ຮູ້ວ່າ: ຜູ້ກ່ຽວຊື່ທ້າວ ສອນເພັດ ອາຍຸ 30 ປີ ພັກເຊົາຢູ່ບ້ານພັດທະນາ ເມືອງນາຊາຍທອງ, ເຊິ່ງໃນວັນທີ2 ພຶດສະພາ 2022, ຕົນເອງ ໄດ້ດື່ມສິ່ງມຶນເມົາ ແລະ ໄດ້ມີປາກສຽງກັບຄົນຂ້າງເຮືອນ ຈິ່ງໄດ້ໃຊ້ອາວຸດປຶນຍິງນາບຂູ່ຈໍານວນ 5 ນັດ, ຮອດວັນທີ 5 ພຶດສະພາ 2022 ໄດ້ຖືກເຈົ້າໜ້າທີ່ກັກຕົວ ສ່ວນອາວຸດປືນ ແມ່ນຊື້ນໍາຊາຍຄົນໜຶ່ງ ຮູ້ຈັກກັນທາງເຟັສບຸກ.
ປັດຈຸບັນ, ເຈົ້າໜ້າທີ່ໄດ້ກັກຂັງຜູ້ກ່ຽວໄວ້ ກອງບັນຊາການ ປກສ ເມືອງນາຊາຍທອງ ເພື່ອດໍາເນີນຄະດີຕາມຂັ້ນຕອນຂອງກົດໝາຍ.
ທິບພະຈັນ: ຮຽບຮຽງ