ເພື່ອທົດສອບຄວາມສາມາດຂອງທີມງານປະຈຳດ່ານ ໃນການຮອງຮັບກັບເຫດການສຸກ ເສີມທີ່ອາດຈະເກີດຂຶ້ນ ແລະ ເປັນການປະເມີນການຈັດຕັ້ງປະຕິບັດໄລຍະຜ່ານມາ, ກະຊວງສາທາລະນະສຸກ ຈຶ່ງໄດ້ເຮັດການທົດສອບຈຳລອງເຫດການສຸກເສີມທາງດ້ານສາທາລະນະສຸກ ທີ່ດ່ານຂົວມິດຕະ ພາບ 3 ແຂວງຄຳມ່ວນ.
ການຄວບຄຸມພະຍາດຕິດຕໍ່ ຢູ່ຈຸດຜ່ານແດນສາກົນໃນຂອບເຂດທົ່ວປະເທດ ເປັນວຽກງານໜຶ່ງ ທີ່ນອນຢູ່ໃນແຜນແຫ່ງຊາດ ວ່າດ້ວຍ ການປ້ອງກັນພະຍາດຊືມເຊືື້ອທີ່ເກີດຂຶ້ນໃໝ່, ເຫດການສົ່ງເສີນທາງດ້ານສາທາລະນະສຸກ ແລະ ຄວາມໝັ້ນຄົງທາງດ້ານສຸຂະພາບ 2016-2020 ໃນໄລຍະຜ່ານມາ ກໍຄື ປັດຈຸບັນ ໂດຍສະເພາະແມ່ນ ໄລຍະທີ່ມີການລະບາດຂອງເຊື້ອພະຍາດໂຄວິດ-19 ກົມຄວບຄຸມພະຍາດຕິດຕໍ່ ແມ່ນໄດ້ສຸມທຸກກຳລັງໃນການເສີມສ້າງຄວາມອາດສາມາດ ຄວາມທັນສະໄໝວ່ອງໄວ ຂອງໜ່ວຍການການຄວບຄຸມພະຍາດຕິດຕໍ່ ປະຈຳດ່ານຊາຍແດນສາກົນ ເພື່ອຮັບປະກັນໃຫ້ໜ່ວຍງານດັ່ງ ກ່າວ ສາມາດຮັບມື ແລະ ສະກັດກັ້ນເຫດການສຸກເສີມທາງດ້ານສາທາລະນະສຸກ ທຸກຮູບແບບຢ່າງທັນການ ແລະ ມີປະສິດຕິພາບ ໂດຍຜ່ານແຜນງານ ແລະ ໂຄງການຕ່າງໆ ທີ່ສະໜັບສະໜູນ ຈາກກະຊວງສາທາລະນະສຸກ ແລະ ຄູ່ຮ່ວມພັດທະນາສາກົນຕ່າງໆ. ສະນັ້ນ ເພື່ອຮັບປະກັນການເຄື່ອນໄຫວຂອງພະ ນັກງານປະຈຳດ່ານສາກົນ ໃນຂອບເຂດທົ່ວປະເທດ ເວົ້າລວມ ເວົ້າສະເພາະ ຂະແໜງສາທາລະນະສຸກໃຫ້ສອດຄ່ອງກັບນິຕິກຳ ຂໍ້ຕົກລົງ ແລະ ຄູ່ມືທີ່ກ່າວມາຂັ້ນເທິງ ຈຶ່ງຈຳເປັນຢ່າງຍິ່ງຕ້ອງໄດ້ມີການທົບທວນ ແລະ ປະເມີນກົນໄກການຈັດຕັ້ງປະຕິບັດພາລະບົດບາດ, ຄວາມຮັບຜິດຊອບຂອງຂະແໜງການດັ່ງກ່າວ ໂດຍຜ່ານການຝຶກຊ້ອມຈຳລອງເຫດການໃນຫົວຂໍ້ “ການຕອບໂຕ້ ການເກີດລະບາດຂອງພະ ຍາດໂຄວິດ-19 ສາຍພັນໃໝ່ ຢູ່ດ່ານຂົວມິດຕະພາບລາວ-ໄທ ແຫ່ງທີ 3 ທີ່ແຂວງຄຳມ່ວນ
ດຣ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ໄດ້ເວົ້າວ່າ: ການທົດສອບຈຳລອງເຫດການສຸກເສີນ ທາງດ້ານສາທາລະນະສຸກ ທີ່ດ່ານຂົວມິດຕະພາບ 3 ແຂວງຄຳມ່ວນ ກໍເພື່ອເປັນການທົດສອບຄວາມສາມາດຂອງທີມງານປະຈຳດ່ານ ເພື່ອຮອງຮັບເຫດການສຸກເສີນທີ່ອາດຈະເກີດຂຶ້ນ ແລະ ເປັນການປະເມີນການຈັດຕັ້ງປະຕິບັດໄລຍະຜ່ານມາ ເຖິງວຽກງານທີ່ພົ້ນເດັ່ນ ແລະ ວຽກງານທີ່ຈະໄດ້ຮັບການປັບປຸງ, ສະເພາະ ພາກເໜືອ ແມ່ນໄດ້ຮັບການຈັດຕັ້ງປະຕິບັດສຳເລັດແລ້ວ ຢູ່ແຂວງຫຼວງນ້ຳທາ, ຢູ່ສະຖານີລົດໄຟລາວ-ຈີນ ດ່ານບໍ່ເຕນ ແລະ ແຂວງຊຽງຂວາງ, ປັດຈຸບັນນີ້ແມ່ນກຳລັງຈັດຕັງປະຕິບັດຢູ່ແຂວງຄຳມ່ວນ ແລະ ຕໍ່ໜ້າແມ່ນຈະຈັດຕັ້ງປະຕິບັດຢູ່ 2 ຈຸດຄື: ດ່ານຂົວມິດຕະ ພາບ 1 ນວ ແລະ ສະໜານບິນສາກົນແຂວງຈຳປາສັກ.
ຂ່າວ: ສູນຂໍ້ມູນຂ່າວສານ
ຮຽບຮຽງ: ເບັງ ບກ……….