ໃນວັນທີ 3 ມິຖຸນາ 2022 ນີ້, ທ່ານ ສິງ ເມໂນລາດ ຮອງອົງການກາແດງແຫ່ງຊາດລາວ ໄດ້ມອບເຄື່ອງຊ່ວຍເຫລືອໃຫ້ໃຫ້ປະຊາຊົນ 4 ເມືອງ ຄື: ເມືອງສັງທອງ, ປາກງື່ມ, ຫາດຊາຍຟອງ ແລະ ເມືອງສີໂຄດຕະບອງ ຈຳນວນ 345 ຄອບຄົວ ທີ່ໄດ້ຮັບຜົນກະທົບຈາກການ ລະບາດຂອງພະຍາດໂຄວິດ-19ໃນໄລຍະຜ່ານມາ ໂດຍມອບຜ່ານອຳນາດການປົກຄອງນະຄອນຫລວງວຽງຈັນ ເຊິ່ງຕ່າງໜ້າຮັບໂດຍ ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫລວງວຽງຈັນ.
ການມອບເຄື່ອງໃນຄັ້ງນີ້, ເປັນການຊ່ວຍເຫລືອບັນເທົາທຸກແກ່ ຄອບຄົວທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ໃນໄລຍະຜ່ານມາ ຈໍານວນ 400 ຖົງ ແລະ ເຄື່ອງສຸຂະອະນາໄມ 400 ຊຸດ ໂດຍຄະນະຮັບຜິດຊອບຂອງອົງການປົກຄອງນະຄອນຫລວງວຽງຈັນ ຈະໄດ້ລົງສົມທົບກັບເມືອງ ແລະ ບ້ານເປົ້າໝາຍ ລົງແຈກຈ່າຍໃຫ້ຄອບຄົວເປົ້າໝາຍ ເຊິ່ງເຄື່ອງທີ່ນຳມາມອບໃນຄັ້ງນີ້ ໄດ້ຮັບການສະໜັບສະໜູນຈາກ ອົງ ການກາແດງສະວິດສ໌, ລວມມູນຄ່າທັງໝົດ 109 ລ້ານກວ່າກີບ.
ທິບພະຈັນ:ຮຽບຮຽງ