ນັກຮຽນເກັ່ງລະດັບຊາດ ຈະໄດ້ຮັບທຶນການສຶກສາ ໄປຮຽນຕໍ່ທີ່ ສສ ຫວຽດນາມ

ການສອບເສັງນັກຮຽນເກັ່ງລະດັບຊາດຊັ້ນມັດທະຍົມສຶກສາ ມ 4 ແລະ ມ7 ປະຈໍາສົກຮຽນ 2021-2022, ເຊິ່ງມີນັກຮຽນເກັ່ງເຂົ້າຮ່ວມສອບເສັງທັງໝົດ 144 ຄົນ, ຍິງ 68 ຄົນ ແລະ ຊັັ້ນມ 4 ສອບເສັງທັງໝົດ 4 ວິຊາ, ໃນນັ້ນ ອັນດັບທີ 1 ວິຊາພາສາລາວ-ວັນນະຄະດີ ແມ່ນນາງ ຕາວັນ ວົງວິ ໄລ ແລະ ວິຊາຄະນິດສາດ ແມ່ນ ທ້າວ ເພັດນະຄອນ ພົນທະຈັກ ຈາກ ມສ ປາດຖະໜາ ນະຄອນຫຼວງ, ສ່ວນວິຊາຟີຊິກສາດ: ແມ່ນທ້າວ ອຸດົມຄຳ ບຸນວິໄລ ຈາກ ມສ ພອນສະຫວັນຊົນເຜົ່າ ນະຄອນຫຼວງວຽງຈັນ, ວິຊາເຄມີສາດ ແມ່ນນາງ ຜະກາອາລີ ສິດທິຍາວົງ ຈາກ ມສ ສັນຕິພາບ ແຂວງບໍ່ແກ້ວ

ສຳລັບ ຊັ້ນ ມ 7 ວິຊາພາສາລາວ-ວັນນະຄະດີ ອັນດັບທີ 1 ແມ່ນ ທ້າວ ທະວີຊັບ ມະນີວົງ ຈາກ ມສ ເມືອງໄຊ ແຂວງອຸດົມໄຊ, ວິຊາຄະນິດສາດ ແມ່ນທ້າວ ເຊັງຈື່ເຮີ ຈາກ ມສ ຊໍາໃຕ້ ແຂວງຫົວພັນ, ວິຊາຟີຊິກສາດແມ່ນທ້າວ ບຸນຖະໜອມ ປະທຸມພາ ມສໂພນໄຊ ແຂວງຈຳປາສັກ, ວິຊາເຄມີສາດ ແມ່ນ ທ້າວ ທົງທໍ່ ໄຊກົວ ມສ ພອນສະຫວັນຊົນເຜົ່າ, ນະຄອນຫລວງວຽງຈັນ

ສ່ວນລາງວັນການສອບເສັງນັກຮຽນເກັ່ງປີນີ້ ອັນດັບທີ 1 ໄດ້ຮັບຫຼຽນຄໍາ, ເງິນລາງວັນ 8 ລ້ານກີບ ພ້ອມໄດ້ຮັບໃບຍ້ອງຍໍຂັ້ນກະຊວງ ສຶກສາທິການ ແລະ ກີລາ, ອັນດັບທີ 2 ໄດ້ຮັບຫຼຽນເງິນ, ເງິນລາງວັນ 7 ລ້ານກີບ ພ້ອມໄດ້ຮັບໃບຍ້ອງຍໍຂັ້ນກະຊວງ ສຶກສາທິການ ແລະ ກີລາ ແລະ ອັນດັບທີ 3 ໄດ້ຮັບຫຼຽນທອງເງິນລາງວັນ 6 ລ້ານກີບ ພ້ອມໄດ້ຮັບໃບຍ້ອງຍໍຂັ້ນກະຊວງ ສຶກສາທິການ ແລະ ກິລາ.ສຳລັບນັກຮຽນເກັ່ງລະດັບຊາດອັນດັບທີ 1 ທີ່ຮຽນຈົບມັດທະຍົມປາຍ ທາງກະຊວງມີນະໂຍບາຍໃຫ້ເລືອກສາຍຮຽນໃດກໍໄດ້ຢູ່ມະຫາວິທະຍາໄລແຫ່ງຊາດ ແລະ ຖ້ານັກຮຽນຢາກຮຽນວິຊາຄູ ຈະໄດ້ຮັບທຶນໄປ ສສ ຫວຽດນາມ.