ໃນວັນທີ 5 ພຶດສະພາ 2022, ປກສ ກຸ່ມ 6 ໂພນທອງເມືອງນາຊາຍທອງ ນວ ໄດ້ສົມທົບກັບ ປກສ ບ້ານບົວແລະ ປກສ ບ້ານນາງ່າແກ້ໄຂຈັບຜູ້ຖືກຫາຄ້າຂາຍຢາເສບຕິດ 1 ຄົນ, ພ້ອມຂອງກາງຢາບ້າ 188 ເມັດ ສົ່ງໃຫ້ ປກສ ເມືອງນາຊາຍທອງ ດຳເນີນຄະດີ.
ພັທ ກິແກ້ວ ແກ້ວມະນີ ຫົວໜ້າ ປກສ ກຸ່ມໂພນທອງ ໃຫ້ຮູ້ວ່າ: ພາຍຫຼັງໄດ້ຮັບການລາຍງານວ່າ ມີເປົ້າໝາຍເຄື່ອນໄຫວຄ້າຂາຍຢາເສບຢາບ້າ ຢູ່ສວນຄັງ ເຂດບ້ານໜອງສະ ເມືອງນາຊາຍທອງ, ຈຶ່ງສົມທົບກັບ ປກສ ບ້ານ ລົງແກ້ໄຂ ຈັບທ້າວ ຄໍາຈອນ ອາຍຸ 27 ປີ ວ່າງງານ ຢູ່ບ້ານໜອງສະ ເມືອງນາຊາຍທອງ ນວ ພ້ອມຂອງກາງຢາບ້າ 188 ເມັດ. ສົ່ງໃຫ້ ປກສ ເມືອງນາຊາຍທອງ ດຳເນີນຄະດີ.
ທິບພະຈັນ: ຮຽງຮຽງ